Lahore Real Estate Forum: Property News & Community Talk : ,

---

میرے پیارے بھائیوں ۔ میں آپ کی آسانی کے لئے مسئلہ بیان کر دیتا ہوں اور امید کرتا ہوں کہ آپ سب تسلی بخش جواب دیں گے ۔ فرض کر لیتے ہیں کہ ایک پلاٹ کی ایف ۔ بی ۔ آر قیمت پچاس لاکھ روپے ہے۔ اور میں ایک فائلر خریدار ہو۔ میں اس پلاٹ کی اصل قیمت ایک کروڑ ادا کرتا ہوں اور اس کے علاوہ 3 فیصد سٹیمپ ڈیوٹی، 2 فیصد سی وی ٹی ، وید ہولڈنگ ٹیکس اعشاریہ 3 فیصد اور ایڈوانس ٹیکس اور 1 فیصد ایجنٹ فیس اور اوسط سوسائٹی فیس ایک لاکھ کے ساتھ میری کل لاگت ایک کروڑ چھ سے ساتھ لاکھ کے درمیان رہے گی۔یہاں تک معاملہ بہت سیدھا ہے اور سمجھ آتا ہے۔ اصل مسئلہ اب شروع ہوتا ہے۔ ابھی ایک سال کا عرصہ نہیں گزرتا لیکن ضرورت کے تحت میں پلاٹ ایک کروڑ پچیس لاکھ کا بیچ دیتا ہو۔ اب گر میں  ایف ۔ بی ۔ آر قیمت پر رہتا ہوں تو مجھے اعشاریہ 3 فیصد وید ہولڈنگ ٹیکس ، 2 فیصد ایڈوانس ٹیکس اور ایجنٹ فیس اور اگر سوسائٹی کا خرچہ ہے تو کل ایک اور دو لاکھ سے زیادہ نہیں ادا کرنا پڑے گا ۔ سفر کے اخراجات اور نئے پلاٹ کی مٹھائی ملا کر آپ کل لاگت ایک کروڑ دس لاکھ فرض کر سکتے ہو ۔ اور منافع 15 لاکھ۔ کیونکہ پلاٹ میں ایک سال کے  عرصے کے اندر بیچا اس لئے ایف بی آر قیمت بھی نہ بدلی اور میں نے 10 فیصد گین ٹیکس بھی نہ ادا کیا۔ لیکن اب مشکل یہ ہے جو قیمت میں نے پچاس لاکھ سے اوپر حاصل کی وہ بنتی ہے 75 لاکھ۔ جو اصل میں تو حلال تھی مگر اب بن گئی حرام ۔ اور کچھ بعید نہیں ایف بی آر نوٹس بھیج کر اس کا ذریعہ بھی پوچھے۔ اب اگر میں اس کو حلال کرنا چاہتا ہوں تو مجھے اصل فروخت قیمت بتانا پڑے گی اور 75 لاکھ منافع میں سے 7 لاکھ پچاس ہزار ٹیکس ادا کرنا ہوگا ۔ یعنی میرا منافع ہو گیا ایف بی آر کی نظر اور میرے حصے آئی خواری اور مٹھائی ۔ اور اگر میں جائز بات کرتا تو میں شروع سے ہی اصل قیمت خرید ظاہر کرتا۔ اب تھوڑی دیر اور فرض کر لیں کہ میں نے بیچتے وقت اصل قیمت ظاہر کردی کیونکر میں کسی مسئلہ میں نہیں الجھنا چاہتا ۔ اب جو نیا خریدار ہو گا اس کے لئے سب سے پہلے جو مرحلہ درپیش ہوگا اس نے ایک کروڑ پچیس لاکھ کا ذریعہ معاش ثابت کرنا ہو گا ۔ باقی اس پر ٹیکس کس طرح لاگو ہو گے اور نئے سال ایف بی آر اس کو کس طرح قیمتوں کے تعین میں مثال بنائے گا ۔ یہ میں آپ پر چھوڑتا ہوں ۔ ہاں یاد رہے اسحاق ڈار نے قیمتوں کا تعین ایف بی آر کو دیا ہے۔ ان کو سب اندازے تھے ۔ یہ کوئی بچے نہیں تھے۔