president of pakistan -a dream .it will never happen,

---

پیر اگست 3, 2009
ضرورت ہے ایک بیس کروڑ رجسٹرڈ فیملی کے لئے ایک ایسے دیانت دار ڈکٹیٹر کی جو ایک معقول مشاہرے پر یعنی تنخواہ حسب منشا دیگر سہولیات میں رہائش پی ایم ہاؤس اور اگر مزید خواہش رکھے تو صدارتی محل بیس سے پچاس جدید ترین گاڑیاں جن میں زیادہ تر بلٹ پروف ہمراہ بلٹ پروف جیکٹ کے دس عدد ہیلی کاپٹر ایک جدید ترین طیارہ تقریباً پانچ سو ملازمین سال میں جتنی مرتبہ چاہے بغیر اخراجات کے بیرون ملک سفر کی سہولت اور وہاں قیام وطعام کے لئے سیون سٹارز ہوٹلز اور تفریح کے لئے گائیڈ کی سہولت جسمانی تھکاوٹ دور کرنے کے لیے مساج(خصوصی) کی سہولت علاوہ ہمارے گھر پاکستان ہاؤس میں جہاں چاہے جسے چاہے خود حاصل کر لے یا کسی کو دے !!!
’’ کام کی نوعیت‘‘
اس نے آکر ملک پاکستان سے صفائی کرانی ہے اور اعلانات بلکہ عملی طور ثابت کرنا ہے کہ ٭ آج کے بعد دودھ سے لے کر پٹرول اور باجرہ سے لے کر چائے کی پتی میں ملاوٹ کی سزا موت ٭چوری ، اغواء ، ڈکیتی یاراہزنی کی سزا پہلی دفعہ صرف ایک ہاتھ کاٹنا۔٭آلودگی اور گندگی پھیلانے کی سزا سارے شہر اسلام آباد کی صفائی جھاڑو سے۔ پولیس، ایف آئی اے، نارکوٹکس، سی آئی اے اور سپیشل والوں سے ایسے قانون کے مطابق عمل کرنا کہ یا تو وہ استعفی دے دیں یا حقیقی مسلمان ہو جائیں۔٭محکمہ گیس، بجلی وٹیلی فون کے اندرونی معاملات کا جدید ٹیکنالوجی سے سروے۔ ٭ پرائیویٹ ہسپتالوں پر مکمل دسترس اور گورنمنٹ کے ہسپتالوں میں مکمل چیک اپ۔٭ وکلاء کی منہ مانگی فیس جج حضرات کی رشوت ریڈر حضرات کی مٹھائی پر ایسی سزا کہ جسکا تصور (کتاب مرنے کے بعد کیا ہوگا) جیسا ہو۔٭درجنوں ایسی فیکٹریاں جو شفاف پانی کے نام پر اربوں روپیہ کمارہی ہیں ان کو ملاوٹ اور نوسر بازی ودھوکہ دہی کے الزام کے مطابق سزا۔ ۔ ۔ ٭ ایک ایسے ہیرو کی جوہر مارکیٹ ہر بازار میں بکنے والی اشیاء خوردونوش کا معیار اور ان کی قیمتوں کا تعین کرسکے۔ ۔ ۔
٭ دودھ، دہی اور اس قسم کی اساس اشیاء کے لئے مکمل میڈیکلی اصولوں کے مطابق حفاظتی تدابیر۔٭ہر سفید پوش شخص کو پانچ مرلہ کا گھر تعمیر کراکے آسان اقساط پر دے سکے۔٭ہر اسکول، کالج ویونیورسٹی سے لائق ترین طلبا وطالبات کو اعلیٰ تعلیم کے لئے بیرون ملک بھجوائے اور بعدازاں ان کی خدمات ملک کے لئے استعمال ہوں
٭ضرورت ہے ایک ایسے شخص کی جو ہر رات بھیس بدل کر شہر کا گلی محلوں کا تھانوں اور بازاروں کا دورہ کرے اور وہاں جو دیکھے بعدازاں اس پر عمل درآمد کرائے۔
٭ ہر اس شخص کا محاسبہ کریں جس کے پاس دو گاڑیوں سے زیادہ ہوں اور ہزار گز کے گھر سے بڑا گھر ہو ۔٭ تمام پاکستان کا نظام تعلیم یکساں بنا سکے یہ اردو میڈیم وانگلش کا سلسلہ ختم کر کے تمام مراکز میں ’’ ایک جیسی تعلیم اور ایک جیسا یونیفارم‘ روشناس کرائے اس میں مدرسہ ازم کا خاتمہ بھی ہو۔ ۔ ۔ ۔٭سوناوچاندی کا کاروبار بہ شکل صرافہ بازاروں کے نام سے ختم کرے اور اس کی اشیاء کو قومی تحویل میں لیا جائے البتہ ہر شادی شدہ خاتون کو ایک انگوٹھی کی اجازت ہو جو گورنمنٹ کی طرف سے اسے دی جائے۔
٭فوجی افسران کو بعداز ریٹائرمنٹ سول سروس نہ کرنے دی جائے بلکہ اپنی پنشن پر گزارہ کریں۔٭ہر ہفتہ میں تین دن تمام عوام کو پابند کرنے کی جرأت رکھتا ہو کہ وہ کسی بھی قسم کا گوشت بکرا، دنبہ، مرغی، گائے نہ خریدیں بلکہ سبزی ودال استعمال کریں۔٭ وہ قانونی طور پر ہر مارکیٹ ہر بازار ماسوائے میڈیکل سٹورز کے رات دس بجے بند کرادے
۔ ۔ ۔ ۔ ۔ ۔ اور۔ ۔ ۔ اپنی اس پوسٹ کے بارے میں چند باتیں بہت ضروری سمجھے۔٭صحافتی تنظیموں خصوصاً پرنٹ میڈیا کو اہمیت دے اور ان کے ورکروں کو مناسب سہولتیں فراہم کرے خاص کر تعلیم ومیڈیکل کی(ان کو اور ان کے اہل خانہ کو)۔٭الیکٹرانک میڈیا میں جو مخلص وقوم کے ہمدرد ہیں ان کی گریڈنگ کرے اور مکمل آزادی دے
٭منشیات کے اڈے اور عورتوں کا کاروبار کرنے والوں کو عبرت ناک سزا دے۔٭جبری مشقت یعنی5سال سے لیکر12سال تک کے لڑکے ولڑکیوں سے جو کرائی جاتی ہے اسکا مکمل خاتمہ کرائے۔ ۔ ۔ ٭ ہر مسلم، عیسائی ، ہندو، سکھ وپارسی لڑکی کی شادی حکومت پاکستان کی ذمہ داری ہو اور اسکے لئے 15سال کی عمر سے شناختی کارڈ لازمی کر کے چیک کرے کہ اب خاتون18سال کی ہو گئی ہے تو گروپ کی شکل میں شادیوں کا قانون نافذ ہو۔٭کسی بھی قسم کی لمبی چوڑی باراتیں اور کھانے مکمل طور پر گمراہ کن ہیں وطن عزیز میں کوئی شادی گھر یا اس قسم کا سلسلہ ہمیشہ کے لئے ختم ہو کہ یہ سراسر اسراف ہے۔٭ تمام مذاہب سے وابستہ لوگ جو پاکستان میں ہیں ان کی شادیاں اپنے اپنے دینی اداروں میں طے ہوں۔ ۔ ۔ اور آخری۔ ۔ ۔ !
بھیک مانگنا ناقابل معافی جرم قرار دیا جائے اور موجودہ بھیک منگوں کو پکڑ کر ان سے شہروں کی صفائی ستھرائی معاوضہ پر کی جائے۔٭اگر کوئی امیدوار اپنے آپ کو اس قابل سمجھتا ہے یا سمجھتی ہے تو براہ کرم اس ایڈریس پر رابطہ کرے ہاں۔ ۔ ۔ البتہ ۔ ۔ ۔ شخصی ضمانت کے لئے امریکہ نہیں بلکہ۔ ۔ ۔ خالصتاً عوام پاکستان کی رائے ۔ایڈریس نوٹ کریں1947تا قیامت انشاء اللہ۔اجازت دیجئے اللہ حافظ